पूज्य साने गुरुजी यांच्या जयंतीनिमित्त अखिल भारतीय साने गुरुजी कथामाला मुंबई या संस्थेच्या वतीने श्यामची आई या पुस्तकावर आधारित संस्कार वाचन माला परिक्षा घेण्यात आली.
दि 24 ते 27 डिसेंबर 2021 या चार दिवसात महाराष्ट्रातील 2032 विद्यार्थ्यांनी सहभाग घेतला. याची पूर्वतयारी म्हणून प्रमुख कार्यवाह श्री श्यामराव कराळे यांनी कथन केलेल्या 42 कथा ची YouTube लिंक सर्वत्र पाठवली होती.
या परीक्षेला उत्तम प्रतिसाद मिळाला. साने गुरुजी आणि श्यामची आई या दोघांविषयी विद्यार्थ्याना असलेले प्रेम, आत्मीयता आणि उत्सुकता ही यातून दिसून येते.
सर्व सहभागी विद्यार्थी व शिक्षक, पालक यांना सुंदर असे ऑनलाइन प्रमाणपत्र देण्याची व्यवस्था करण्यात आली होती.
या उपक्रमास मार्गदर्शन करणारे अखिल भारतीय साने गुरुजी कथामालेचे अध्यक्ष श्री लालासाहेब पाटील आणि इतर सर्व पदाधिकारी व कार्यकर्ते यांचे मनापासुन आभार.
